रोन्डनले छाडे एभर्टन

काठमाडौं । इंग्लिस क्लब एभर्टनका फरवार्ड सालोमन रोन्डनले क्लब छाडेका छन् ।

भेनेजुएलाका फरवार्डले आपसी सहमतिमा क्लब छाडेको एभर्टनले जनाएको छ ।

३३ वर्षीय फरवार्ड गत वर्ष एभर्टन आएका थिए । तर, सम्झौता नसकिदै उनले एभर्टन छाडेका हुन् ।

न्युकासल र वेस्ट ब्रुमका पूर्व फरवार्डको सझौता २०२३ को जुनमा सकिने थियो ।

रोन्डनले एभर्टन, वेस्ट ब्रुम र न्युकासलबाट गरि प्रिमियर लिगमा १ सय ६७ खेल खेल्दा ३६ गोल र १५ असिस्ट गरेका थिए।

उनले भेनेजुएलाका लागि ९२ खेलमा ३८ गोल गरेका थिए ।