नेदरल्यान्ड्सका मुख्य प्रशिक्षक भान गालको राजीनामा

काठमाडौं । नेदरल्यान्ड्स राष्ट्रिय फुटबल टिमको मुख्य प्रशिक्षक लुइस भान गालले पदबाट राजीनामा दिएका छन् ।

कतार विश्वकपको क्वाटरफाइनलबाट बाहिरिएपछि प्रशिक्षक भान गालले टिम छाडेका हुन् ।

शुक्रबार राति अर्जेन्टिनासँग पेनाल्टी सुटआउटमा पराजित भएपछि नेदरल्यान्ड्स विश्वकपबाट बाहिरिएको थियो ।

 ७१ वर्षीय प्रशिक्षक भान गाल २०२१ मा मुख्य प्रशिक्षक नियुक्त भएका थिए ।

अब रोनाल्ड कोम्यानले नेदरल्यान्ड्सको टोली सम्हाल्ने छन् ।