सेन्ट जेभियर्स र लिटिल एन्जल्सको विजयी सुरुवात

काठमाडौं । २३ औ संस्करणको स्वर्गिय मोरन मेमोरियल आमन्त्रीत प्राईमरी स्तरीय फुटबल प्रतियागिता आज सुरु भएको छ । सेन्ट जभियर्स स्कुलको आयोजनामा सञ्चालन भएको प्रतियोगितामा १६ विद्यालयले सहभागिता जनाएका छन् ।

प्रतियोगिताको पहिलो दिन लिटिल एन्जल्स हात्तिवनले सेन्ट जेभियर्स स्कुल जावलाखेललाई ५–० ले हराएको छ । विजेता टोलीका लागि प्रशन तुलाधर, भिगुल पोखरेल, सुरज तामाङ, आशुतोष लावती र अनमोल लिम्बुले गोल गरे ।

दोस्रो खेलमा सेन्ट जेभियर्स जोदावरीले चाँदबाग स्कुल बाँसबारीलाई ११–० ले हरायो । तेस्रो खेलमा क्रिसेन्ट एकेडेमी गोदावरीले गोदावरी रेसिडेन्टल स्कुल ललितपुरलाई ६–० ले हरायो ।

प्रतियोगिता अन्तर्गत भोली पनि तीन खेल हुनेछ । प्रतियोगिता डिसेम्बर १५ सम्म चल्नेछ ।