काठमाडौं । इंग्ल्यान्डका डिफेन्डर ह्यारी मग्वाएरले कतारमा जारी फिफा विश्वकपको उपाधि जित्नेमा टिम विश्वस्त रहेको बताएका छन् ।
कतार विश्वकपको क्वाटरफाइनल खेलअघि बोल्दै सेन्टर ब्याक मग्वाएरले विश्वकप जित्नेमा आफुहरुलाई विश्वास रहेको बताएका हुन् ।
इंग्ल्यान्डले क्वाटरफाइनलमा शनिबार साविक विजेता फ्रान्ससँग खेल्दैछ ।
'मलाई लाग्छ २०१८ को टोली भन्दा यो टोली फरक छ । मलाई लाग्छ की वास्तवमा यस पटक सम्भव छ,' मग्वाएरले भनेका छन् ।
इंग्ल्यान्ड २०१८ को विश्वकपमा सेमिफाइनलसम्म पुगेको थियो ।
यस्तै २०२० को युरोमा इंग्ल्यान्ड उपविजेता बनेको थियो ।
