यू-१९ राष्ट्रिय क्रिकेटमा आज दुई खेल

काठमाडौं । यू-१९ राष्ट्रिय क्रिकेट प्रतियोगितामा आज शनिबार दुई खेलहरु हुँदैछन् ।

कीर्तिपुरस्थित टियु मैदान र मुलपानीमा रहेको क्रिकेट मैदानमा एक एक खेल हुनेछन् । 

टियु मैदानमा हुने खेलमा लुम्बिनी प्रदेश र मधेस प्रदेशबीच प्रतिस्पर्धा हुनेछ ।

मुलपानीमा हुने खेलमा कर्णाली प्रदेश र प्रदेश-१ कोबीच खेल हुनेछ ।

दुबै खेल बिहान ९ बजेबाट सुरु हुनेछ ।

प्रतियोगितामा प्रदेश-१, मधेश प्रदेश,बागमती प्रदेश,गण्डकी प्रदेश,लुम्बिनी प्रदेश,कर्णाली प्रदेश र सुदुरपश्चिम प्रदेशको सहभागिता रहेको छ ।

प्रतियोगिताको विजेताले २ लाख नगद प्राप्त गर्दा उपविजेताले १ लाख नगद पाउने छन् ।

यस्तै प्लेयर अफ द सिरिज बन्ने खेलाडीले १५ हजार तथा उत्कृष्ट बलर र ब्याट्सम्यानले १०/१० हजार पाउने छन् ।