सर्बियाको फराकिलो जित 

काठमाडौं । फिफा विश्वकप अघिको मैत्रीपूर्ण खेलमा सर्बियाले फराकिलो जित निकालेको छ ।

शुक्रबार राति भएको खेल सर्बियाले बहराइनलाई ५-१ गोल अन्तरले हराएको हो ।

सर्बियाको जितमा डुसन टाडिकले दुई गोल गरे ।

डुसन भ्लाल्होभिच, फिलिप डुरिसिच र लुका जोभिकले एक एक गोल गरे ।

बहराइनका अब्दुल्लाह युसुफ हेलालले एक गोल फर्काए ।

कतार विश्वकपमा सर्बिया समूह जी मा रहेको छ ।

यस समूहमा ब्राजिल, क्यामरुन र स्विजरल्याण्ड रहेको छ ।

सर्बियाले ब्राजिलसँग खेल्दै विश्वकपको सुरुआत गर्नेछ ।