स्पेनका जोसेले विश्वकप गुमाउने, बाल्डे टोलीमा

काठमाडौं । स्पेनका डिफेन्डर जोसे गायाले कतारमा आयोजना हुने फिफा विश्वकप फुटबल गुमाउने भएका छन् ।

चोटका कारण लेफ्ट ब्याक जोसेले विश्वकप गुमाउने भएका हुन् ।

जोसे स्पेनको विश्वकप खेल्ने टोलीमा रहेका थिए ।

स्पेनले जोसको स्थानमा अलेजान्ड्रो बाल्डेलाई बोलाएको छ ।

१९ वर्षीय डिफेन्डर बाल्डे बार्सिलोनाका खेलाडी हुन् ।

कतार विश्वकप आइतबारबाट सुरु हुनेछ ।

विश्वकपमा स्पेन समूह 'ई' मा रहेको छ ।

यस समूहमा जर्मनी, कोस्टारिका र जापान रहेको छ ।

स्पेनले कोस्टारिकाविरुद्ध खेल्दै विश्वकपको सुरुआत गर्नेछ ।