काठमाडौं । अखिल नेपाल फुटबल संघ (एन्फा) ले क्यान्सरको उपचार गराईरहेका फुटबल खेलाडी प्रिजेन तामाङलाई तीन लाख नगद उपचार्थ सहयोग गर्ने भएको छ ।
एन्फाको मंगलबार बसेको कार्यसमिति बैठकले प्रिजेनको उपचारको लागि तीन लाख दिने निर्णय गरेको हो ।
१३ औं सागको पुरुष फुटबलमा स्वर्ण विजेता तथा यू-१८ साफ च्याम्पियनसिपमा स्वर्ण विजेता टोलीका सदस्य प्रिजेन ब्लड क्यान्सरको उपचार गराईरहेका छन् ।
प्रिजेनले भारतको एक अस्पतालमा क्यान्सरको उपचार गराईरहेका छन् ।
यस्तै यू-२० खेलाडी राकेश विश्वकर्माको उपचारमा लाग्ने सम्पूर्ण खर्च एन्फाले व्यहोर्ने निर्णय गरेको छ ।
