रोनिन ओपन फुटसल हुने

काठमाडौं । पहिलो संस्करणको रोनिन ओपन फुटसल प्रतियोगिता आयोजना हुने भएको छ ।

धापाखेलस्थित ग्रेस फुटसलमा आयोजना हुने प्रतियोगिता मंसिर १० र ११ गते हुनेछ ।

प्रतियोगिताको विजेताले ६० हजार र उपविजेताले ३० हजार पाउने छन् ।

यस्तै उत्कृष्ट खेलाडी, उत्कृष्ट गोलकिपर र सर्वाधिक गोलकर्तालाई समेत नगद पुरस्कारबाट पुरस्कृत गरिनेछ ।

प्रतियोगितामा सहभागिता जनाउन दर्ता शुल्क ५ हजार राखिएको छ ।