नवौं राष्ट्रिय : महिला फुटबलमा आर्मीलाई हराउँदै एपीएफ फाइनलमा

पोखरा । नवौं राष्ट्रिय खेलकुद प्रतियोगिता अन्तर्गतको महिला फुटबलमा विभागिय टोली एपीएफ क्लब फाइनलमा प्रवेश गरेको छ ।

मंगलबार भएको दोस्रो सेमिफाइनलमा आर्मी क्लबलाई १-० गोल अन्तरले हराउँदै एपीएफ स्वर्ण नजिक पुगेको हो ।

एपीएफलाई जित दिलाउन सावित्रा भण्डारीले ५६ औं मिनेटमा निर्णायक गोल गरिन् ।

अब उपाधिका लागि एपीएफले नेपाल पुलिस क्लबसँग खेल्नेछ ।

पुलिसले प्रदेश नम्बर १ लाई ३-० गोल अन्तरले पराजित गरेको थियो ।