नवौं राष्ट्रिय : गण्डकीलाई हराउँदै आर्मी फाइनलमा

पोखरा । त्रिभुवन आर्मी क्लब नवौं राष्ट्रिय खेलकुद अन्तर्गत पुरुष फुटबलको फाइनलमा प्रवेश गरेको छ ।

पोखरा रंगशालामा मंगलबार भएको पहिलो सेमिफाइनलमा गण्डकी प्रदेशलाई १-० गोल अन्तरले हराउँदै आर्मी स्वर्ण नजिक पुगेको हो ।

आर्मीलाई जित दिलाउन सुदिल राईले निर्णायक गोल गरे ।

खेलको ५८ औं मिनेटमा सुदिलले निर्णायक गोल गरे । उनी २४ औं मिनेटमा कप्तान भरत खवासको स्थानमा मैदान प्रवेश गरेका थिए । 

अब आर्मीले उपाधिका लागि एपीएफ र सुदूरपश्चिमबीचको विजेतासँग खेल्नेछ ।

दोस्रो सेमिफाइनलमा मंगलबार नै एपीएफ र सुदूरपश्चिम भिड्ने छन् ।