नवौं राष्ट्रिय : लङजम्पमा जयरानीलाई राष्ट्रिय कीर्तिमानसहित स्वर्ण

पोखरा । नवौं राष्ट्रिय खेलकुद अन्तर्गत एथलेटिक्सको महिला लङजम्पमा आर्मीकी जयरानी थारुले राष्ट्रिय कीर्तिमानसहित स्वर्ण पदक जितेकी छिन् ।

पोखरा रंगशालामा मंगलबार जयरानीले ५.५८ मिटर जम्प गर्दै जयरानीले स्वर्ण जितेकी हुन् ।

यस अघि लुम्बिनीकी निशा चौधरीको नाममा ५.४७ मिटरको कीर्तिमान थियो । निशाले १२ औं केन्द्रीय स्तरीय राष्ट्रपति रनिङ सिल्ड खेलकुद प्रतियोगिता कीर्तिमान बनाएकी थिइन् ।

यस स्पर्धामा लुम्बिनीकी निशा चौधरीले ५.४९ मिटर जम्प गर्दै रजत जितिन् ।

एपीएफकी सिला चौधरीले ५.३१ मिटर जम्प गर्दै कास्य हात पारिन् ।