नवौं राष्ट्रिय : महिला भलिबलमा एपीएफ सेमिफाइनलमा

पोखरा । नवौं राष्ट्रिय खेलकुद अन्तर्गत महिला भलिबलतर्फ एपीएफ सेमिफाइनलमा प्रवेश गरेको छ ।

म्याग्दीको बेनीमा सोमबार भएको पहिलो क्वाटरफाइनलमा लुम्बिनी प्रदेशलाई ३-० को सोझो सेटमा पराजित गर्दै एपीएफ सेमिफाइनलमा प्रवेश गरेको हो ।

एपीएफले लुम्बिनीमाथि २५–१५, २५–१८, २५–१० को सेटमा जित निकालेको हो ।

खेलको वुमन अफ द म्याच एपीएफकी आरती सुवेदी भएकी छन् ।

क्वाटरफाइनलको दोस्रो खेल बागमती प्रदेश र सुदूरपश्चिम प्रदेशबीच हुनेछ ।