यू-१७ फुटबल टोली स्वदेश फिर्ता

काठमाडौं । भियतनाममा आयोजना भएको एएफसी एसियन कप छनोट खेलेर नेपाली यू-१७ फुटबल टोली मंगलबार राति स्वदेश फर्किएका छन् ।

नेपाली टोलीलाई अखिल नेपाल फुटबल संघ (एन्फा) का अध्यक्ष पंकज नेम्वाङ लगायतले स्वागत गरे ।

एन्फाको व्यवस्थापकीय कमजोरीका कारण मलेसियाको एयरपोर्टमा २४ घण्टाको ट्रान्जिटमा बसेर नेपाली टोली स्वदेश फर्किएका हुन् ।

सस्तो टिकटको लोभमा धेरै ट्रान्जिट समय राखेर खेलाडीलाई स्वदेश फर्काइएको हो ।

छनोटमा नेपाल जित विहीन रहेको थियो । नेपाल पहिलो खेलमा थाईल्याण्डसँग ३–० ले, भियतनामसँग ५–० ले र अन्तिम खेलमा चाईनिज ताईपेसँग ४–२ गोल अन्तरले पराजित भएको थियो ।