लाउरेन्ट लियोनको मुख्य प्रशिक्षक

काठमाडौं । फ्रान्सेली क्लब लियोनले लाउरेन्ट ब्लांकलाई मुख्य प्रशिक्षक नियुक्त गरेको छ ।

लियोनले सोमबार लाउरेन्टलाई मुख्य प्रशिक्षक नियुक्त गरिएको जनाएको छ।

५६ वर्षीय प्रशिक्षकले लियोनसँग दुई वर्षको सम्झौता गरेका छन्।

उनी २०२४ सम्म लियोनमा रहने छन् ।

पिटर बोस्जलाई बर्खास्त गर्दै लियोनले लाउरेन्टलाई टिम हेर्ने जिम्मेवारी दिएको हो ।

लाउरेन्ट फ्रान्स र पेरिस सेन्ट जर्मेन (पीएसजी) का पूर्व प्रशिक्षक समेत हुन् ।

उनले पछिल्लो पटक कतारी क्लब अल रायन हेरेका थिए ।