बायर्नको फराकिलो जित

काठमाडौं । च्याम्पियन्स लिग फुटबलमा बायर्न म्युनिखले फराकिलो जित निकालेको छ ।

समूह चरण अन्तर्गत मंगलबार राति बायर्नले भिक्टोरिया प्लेजेनलाई ५-० गोल अन्तरले हराएको हो ।  

बायर्नको जितमा लोरी सानेले दुई गोल गरे । सेर्जी जिनाब्री, साडियो माने र एरिक म्याक्सिम मोटिङले एक एक गोल गरे ।

खेलको सातौं मिनेटमा सानेले गोल गर्दै बायर्नलाई अग्रता दिलाएका थिए ।

१३ औं मिनेटमा जिनाब्रीले टिमको अग्रता दोब्बर बनाए ।

मानेले खेलको २१ औं मिनेटमा गोल गर्दै बायर्नको अग्रता ३-० को बनाए ।

खेलको ५० औं मिनेटमा सानेले व्यक्तिगत दोस्रो गोल गर्दै टिमको अग्रता ४-० को बनाए ।

त्यसपछि खेलको ५९ औं मिनेटमा एरिकले गोल गर्दै टोलीलाई ५-० को जित दिलाए ।

जितसँगै बायर्नले समूह चरणमा अपराजित यात्रा कायम राखेको छ ।

समूह 'सी' को बायर्न ३ खेलमा ९ अंक जोडेर शीर्ष स्थानमा रहेको छ ।

प्लेजेन अंक विहीन रहदै पुछारमा रहेको छ ।