बुमराहले विश्वकप गुमाउने

काठमाडौं । भारतका फास्ट बलर जस्प्रित बुमराहले आईसीसी टी-ट्वान्टी विश्वकप क्रिकेट गुमाउने भएका छन् ।

ढाडको चोटको कारण बुमराहले अष्ट्रेलियामा आयोजना हुने विश्वकप गुमाउने भएका हुन् ।

बीसीसीआईले बुमराहको विषयमा केहि बताएको छैन ।

तर, उनी करिब ६ महिना मैदान बाहिर रहने बीसीसीआईका उच्च अधिकारीले जनाएको टाइम्स अफ इन्डियाले जनाएको छ ।

चोटको परिक्षण गर्न उनी बैंगलोर प्रस्थान गरेको समेत बताईएको छ ।

टी-ट्वान्टी विश्वकप आगामी १६ अक्टोबरबाट १३ नोभेम्बरसम्म आयोजना हुँदैछ ।

भारतले पाकिस्तानसँग खेल्दै विश्वकपको सुरुआत गर्नेछ ।