आर्चरी : जोजो र गंगालाई स्वर्ण

इटहरी । नवौं राष्ट्रिय खेलकुद प्रतियोगिताको छनोट अन्तर्गत प्रदेश १ स्तरीय आर्चरी छनोट झापामा सपन्न भएको छ ।

भद्रपुरस्थित होटल एभरेटमा आर्चरीको छनोट खेल सकिएको जिल्ला खेलकुद विकास समिति झापाका सदस्य एवम् प्रवक्ता जगन दुर्वासा कार्कीले जानकारी दिए ।

आर्चरीको स्यान्डर्ड पुरुष व्यक्तिगत ३० मिटरतर्फ संखुवासभाका जोजो भोटे, ङादर भोट र पासाङ भोटे क्रमशः स्वर्ण, रजत र कास्य पदक जिते ।

स्यान्डर्ड महिला व्यक्तिगत ३० मिटरतर्फ गंगा राई (सुनसरी) स्वर्ण, अन्जु राई (सुनसरी) रजत र योगिता काम्बाङ (झापा) ले कास्य जिते ।

स्यान्डर्ड पुरुष समूहगत ३० मिटरतर्फ संखुवासभाले स्वर्ण, सुनसरीले रजत र झापाले कास्य जित्यो । स्यान्डर्ड महिला समूहगत ३० मिटरतर्फ झापाले स्वर्ण, सुनसरीले रजत र भोजपुरले कास्य जित्यो ।

स्यान्डर्ड महिलापुरुष समूहगत ३० मिटरतर्फ सुनसरीले स्वर्ण, झापाले रजत र भोजपुरले कास्य जित्यो ।

त्यस्तै, रिकर्भ पुरुष व्यक्तिगत ७० मिटरतर्फ विक्रमजित राईले स्वर्ण, निरन्जन राईले रजत अजय राईले जिते ।

आर्चरीको छनोटअन्तर्गत जिल्ला खेलकुद विकास समितिका अध्यक्ष एवम् खेल संयोजक भेषराज भण्डारी प्रशान्तको अध्यक्षतामा आयोजित समापन कार्यक्रमका प्रमुख अतिथि १ नम्बर प्रदेश खेलकुद विकास बोर्डका उपाध्यक्ष जिना कार्कीले खेलाडीहरुलाई मेडल तथा प्रमाणपत्र प्रदान गरेकी थिइन् ।