दशैं कप यू-२१ फुटसल हुने

काठमाडौं । नेपालीहरुको महान चाड विजया दशमीको अवसरमा लमजुङ फुटसलले दशैं कप यू-२१ फुटसल प्रतियोगिता आयोजना गर्ने भएको छ ।

आयोजक लमजुङ फुटसलले प्रतियोगिता असोज १० गतेबाट सुरु हुने जनाएको छ ।

प्रतियोगिताको विजेताले ४० हजार पाउने छन् । यस्तै दोस्रो हुने टोलीले १५ हजार पाउने छन् ।

उत्कृष्ट खेलाडी र सर्वाधिक गोलकर्ताले १ हजार पाउने छन् ।

प्रतियोगिताका लागि दर्ता शुल्क ५ हजार ५ सय राखिएको आयोजकले जनाएको छ ।