टोनी पहिलो पटक इंग्ल्यान्डको टोलीमा

काठमाडौं । इंग्लिस क्लब ब्रेन्टफोर्डका फरवार्ड इभान टोनी पहिलो पटक इंग्ल्यान्डको टोलीमा परेका छन्।

मुख्य प्रशिक्षक ग्यारेथ साउथगेटले नेसन्स लिग खेलका लागि बोलाएको टोलीमा टोनी परेका छन् ।

इंग्ल्यान्डले यसै महिना नेसन्स लिगमा इटाली र जर्मनीसँग खेल्दैछ ।  

२६ वर्षीय टोलीले इंग्लिस प्रिमियर लिगमा उत्कृष्ट प्रदर्शन गरिरहेका छन् ।

यस सिजन ६ प्रिमियर लिग खेलमा उनले ५ गोल गरिसकेका छन् ।

यस्तै इंग्ल्यान्डको टोलीमा गोलकिपर डीन हेन्डरसर, डिफेन्डर एरिक डियर र बेन चिलवेलले पुनरागमन गरेका छन् ।

चोटका कारण मिडफिल्डर जोर्डन हेन्डरसन र गोलकिपर जोर्डन पिकफोर्ड परेका छैनन् ।

डिफेन्डर बेन ह्वाइट र मिडफिल्डर कोनोर गल्लाघेर टोलीबाट बाहिरिएका छन् ।

यस्तै मार्कुस राषफोर्ड र जाडोन सान्चो टिममा अटाएका छैनन् ।