रियलको सहज जित

काठमाडौं । स्पेनिस ला लिगा फुटबलमा रियल मड्रिडले सहज जित निकालेको छ ।

आइतबार राति भएको खेलमा रियलले मालोर्कालाई ४-१ गोल अन्तरले हराएको हो ।

घरेलु मैदानमा सुरुआती एक गोलको अग्रता उल्टाएर रियलले जित निकालेको हो ।

खेलको ३५ औं मिनेटमा भेडात मुरिकीले गोल गर्दै मोलार्कोलाई सुरुआती अग्रता दिलाएका थिए ।

पहिलो हाफको इन्जुरी समयमा फेडेरिको भाल्भर्डेले गोल गर्दै रियललाई १-१ गोलको बराबरीमा ल्याए ।

७२ औं मिनेटमा भिनिसियस जुनियरले गोल गर्दै रियललाई २-१ को अग्रता दिलाए ।

खेलको ८९ औं मिनेटमा रोड्रिगोले गोल गर्दै रियललाई ३-१ को अग्रता दिलाए ।

त्यसपछि खेलको इन्जुरी समयमा एन्टोनियो रुडिगरले गोल गर्दै रियललाई ४-१ को जित दिलाए ।

जितसँगै रियलले ५ खेलमा १५ अंक जोडेको छ ।

रियल शीर्ष स्थानमा उक्लिएको छ ।

मालोर्का ५ अंक जोडेर १३ औं स्थानमा रहेको छ ।