आइभरी कोस्टका डिफेन्डर फरेस्टमा

काठमाडौं । इंग्लिस प्रिमियर लिग क्लब नटिङ्घम फरेस्टले आइभरी कोस्टका डिफेन्डर सर्ज अरियरलाई अनुबन्ध गरेको छ।

इंग्लिस प्रिमियर लिगको नयाँ टोली फरेस्टले भिल्ला रियलबाट अरियरलाई अनुबन्ध गरेको हो ।

२९ वर्षीय डिफेन्डर एक सिजन भिल्लामा बिताएर प्रिमियर लिग फर्किएका हुन् ।

उनी २०२१ मा टोटेनहमबाट भिल्लामा अनुबन्धित भएका थिए ।

फरेस्टले यस समरमा २२ औं खेलाडीको रुपमा सर्जलाई अनुबन्ध गरेको हो ।

सर्जले आइभरी कोस्टका लागि ८१ खेलमा ४ गोल गरेका छन् ।