साफ यू-१७ : बंगलादेश सेमिफाइनलमा

काठमाडौं । बंगलादेशले श्रीलंकामा जारी साफ यू-१७ पुरुष फुटबलको सेमिफाइनलमा स्थान बनाएको छ ।

बुधबार भएको खेलमा माल्दिभ्सलाई ५-० गोल अन्तरले हराउँदै बंगलादेशले अन्तिम चारको यात्रा तय गरेको हो ।

बंगलादेशको जितमा मिराजुल इस्लामले ह्याट्रिक गरे ।

नाजमुल हुदा फैसल र मुर्सेद अलीले १/१ गोल गरे ।

यस जितसँगै समूह 'ए' को बंगलादेशले २ खेलमा शतप्रतिशत जित निकाल्दै ६ अंक जोडेको छ ।

सोमबार भएको पहिलो खेलमा बंगलादेशले श्रीलंकालाई ५-१ गोल अन्तरले हराएको थियो  ।