बार्सिलोनाको सहज जित

काठमाडौं । स्पेनिस ला लिगा फुटबलमा बार्सिलोनाले सहज जित निकालेको छ ।

शनिबार राति भएको खेलमा बार्सिलोनाले सेभियालाई ३-० गोल अन्तरले हराएको हो ।

बार्सिलोनाको जितमा राफिन्हा, रोबर्ट लेवान्डोस्की र एरिक गार्सियाले एक एक गोल गरे ।

खेलको २१ औं मिनेटमा राफिन्हाले गोल गर्दै बार्सिलोनालाई सुरुआती अग्रता दिलाए ।

खेलको ३६ औं मिनेटमा लेवान्डोस्कीले गोल गर्दै बार्सिलोनालाई २-० को अग्रता दिलाए ।

त्यसपछि खेलको ५० औं मिनेटमा गार्सियाले गोल गर्दै बार्सिलोनालाई ३-० को जित दिलाए ।

जितसँगै बार्सिलोनाले ४ खेलमा १० अंक जोडेको छ ।

बार्सिलोना दोस्रो स्थानमा उक्लिएको छ ।

सेभिया १ अंक जोडेर १७ औं स्थानमा रहेको छ ।