डर्टमण्डको जित, बायर्न रोकियो

काठमाडौं । जर्मन बुन्डेसलिगा फुटबलमा साविक विजेता बायर्न म्युनिख बराबरीमा रोकिएको छ ।

शनिबार राति भएको खेलमा बायर्नले युनियन बर्लीनसँग १-१ गोलको बराबरी खेलेको हो ।

खेलको १२ औं मिनेटमा सेराल्डो बेकरले गोल गर्दै बर्लीनलाई सुरुआती अग्रता दिलाएका थिए ।

तर, खेलको १५ औं मिनेटमा जोसुवा किमिचले गोल गर्दै बायर्नलाई हारबाट जोगाए ।

यस बराबरीसँगै बायर्नले ५ खेलमा ११ अंक जोडेको छ ।

बायर्न तेस्रो स्थानमा रहेको छ ।

बर्लीन ११ अंक जोडेर चौंथो स्थानमा रहेको छ ।

अर्को खेलमा बोरुसिया डर्टमण्डले जित निकालेको छ ।

डर्टमण्डले होफेनहाइमलाई १-० ले हराएको हो ।

डर्टमण्डको जितमा मार्को रिउसले १६ औं मिनेटमा निर्णायक गोल गरे ।

यस जितसँगै डर्टमण्डले ५ खेलमा १२ अंक जोडेको छ ।

डर्टमण्ड दोस्रो स्थानमा रहेको छ ।