बराबरीमा रोकियो सिटी

काठमाडौं ।  इंग्लिस प्रिमियर लिग फुटबलमा साविक विजेता म्यानचेस्टर सिटी बराबरीमा रोकिएको छ । 

शनिबार राति भएको खेलमा सिटीले एस्टन भिल्लासँग १-१ गोलको बराबरी खेलेको हो ।

एस्टनको मैदानमा सुरुआती एक गोलको अग्रता जोगाउन नसक्दा सिटी बराबरीमा रोकिएको हो ।

खेलको ५० औं मिनेटमा अर्लिङ हालान्डले गोल गर्दै सिटीलाई सुरुआती अग्रता दिलाएका थिए ।

तर, खेलको ७४ औं मिनेटमा लियोन बेलीले गोल गर्दै एस्टनलाई १-१ गोलको बराबरीमा ल्याए ।

यस बराबरीसँगै सिटीले ६ खेलमा १४ अंक जोडेको छ ।

सिटी लिगको दोस्रो स्थानमा उक्लिएको छ ।

एस्टन ४ अंक जोडेर १७ औं स्थानमा रहेको छ ।