टोटेनहमको जित

काठमाडौं ।  इंग्लिस प्रिमियर लिग फुटबलमा टोटेनहमले जित निकालेको छ ।  

शनिबार राति भएको खेलमा टोटेनहमले फुलहमलाई २-१ गोल अन्तरले हराएको हो ।

टोटेनहमको जितमा पिएरे इमिल होएबिएर र ह्यारी केनले एक एक गोल गरे ।

फुलहमका एलेक्सान्डर मिट्रोभिचले एक गोल फर्काए ।

यस जितसँगै टोटेनहम लिगको दोस्रो स्थानमा उक्लिएको छ ।

टोटेनहमले ६ खेलमा १४ अंक जोडेको छ ।

फुलहम ८ अंक जोडेर १० औं स्थानमा रहेको छ ।

अर्को खेलमा ब्रेन्टफोर्डले लिड्सलाई ५-२ गोल अन्तरले हराएको छ ।

ब्रेन्टफोर्डको जितमा टोनीले ह्याट्रिक पूरा गरे ।

यस्तै न्युकासल र क्रिस्टल प्यालेसले गोलरहित बराबरी खेल्दै अंक बाडेका छन् ।