भारतीय फुटबलको अध्यक्षमा कल्याण निर्वाचित

काठमाडौं । अल इन्डिया फुटबल फेडेरेसन (एआईएफएफ) को अध्यक्षमा कल्याण चौबे निर्वाचित भएका छन् ।

शुक्रबार भएको निर्वाचनमा भाइचिङ भुटियालाई हराउँदै कल्याण अध्यक्षमा निर्वाचित भएका हुन् ।

पूर्व खेलाडी समेत रहेका कल्याणले ३३ भोट प्राप्त गरे । भारतका पूर्व कप्तान समेत रहेका भुटियाले मात्र १ भोट पाए ।

कल्याण बिजेपी कलकत्ताका अध्यक्ष समेत हुन् ।

यस्तै एनए हरिस उपाध्यक्ष निर्वाचित हुँदा किपा अजय कोषाध्यक्षमा निर्वाचित भए ।

पछिल्लो समय विवादको कारण एआईएफएफलाई फिफाले प्रतिबन्ध गरेको थियो ।

पूर्व अध्यक्ष प्रफुट पटेलले निर्वाचन गराउन नसकेपछि र विवाद अदालत पुगेपछि फिफाले प्रतिबन्ध गरेको थियो ।

तर, एक महिना नबित्दै फिफाले एआईएफएफको प्रतिबन्ध फुकुवा गरेको थियो ।