ओएमजी बाबासलाई टीभीएस फुटसलको उपाधि

काठमाडौं । युनि राइड एण्ड रेस अटो टीभीएस फुटसलको उपाधि ओएमजी बाबासले जितेको छ । शनिबार सम्पन्न फाइनल खेलमा विनायक सिद्धिलाई हराउँदै बाबासले उपाधि उचालेको हो ।

उपाधिसँगै बाबासले ५० हजार रुपैयाँ प्राप्त गर्यो । उपविजेता विनायकले २५ हजार रुपैयाँमा चित्त बुझायो । युनि राईड एण्ड रेस अटो टीभीएस प्रालीले आयोजना गरेको प्रतियोगिता गत बिहीबारबाट सुरु भएको थियो । प्रतियोगितामा कजेल र कर्पोरेट गरि २० टिमको सहभागीता रहेको थियो । 

प्रतियोगिताका विजेता खेलाडीले विभिन्न संस्थाबाट पुरस्कार र छात्रवृत्ति पाउने युनि राइड एण्ड रेस अटोका सञ्चालक निर्मल सिग्देलले जनकारी दिएका छन् । 

युनि राइड संस्थाले स्थापनाकालदेखि महिला, बालबालिका र युवा लक्षित सामाजिक कार्यक्रम सञ्चालन गर्दै आएको छ । सोही कार्यक्रम अन्तर्गत युवालाई खेलकुदमा आकर्षित गर्न र दुर्व्यसनबाट बचाउनका लागि फुटसल प्रतियोगिताको आयोजना गरिएको हो ।