भ्याली पब्लिक सेमिफाईनमा

काठमाडौं । सिनियर छात्रमा आयोजकका दुवै टिम भ्याली पब्लिक कप १३ औं अन्तर विद्यालय बास्केटबल प्रतियोगिताको सेमिफाईनलमा प्रवेश गरेका छन् ।

बुधबार भएको पहिलो क्वाटरफाईनल खेलमा भ्याली पब्लिक 'ए' ले गोल्डेपीक स्कुललाई ४९–३५ को स्कोरमा हराउदा विबेक बानियाँले १८ स्कोर गरे । साजन गुरुङको सर्वाधिक १४ स्कोरको मद्दतमा भ्याली पब्लिक 'बी'ले हिम्सलाई ३०–२० को स्कोरमा हरायो ।

त्यस्तै छात्रकै खेलमा ड्याफोडिलले नाम्सलाई ४४–१९ को स्कोरमा हरायो । सेमिफाईनलमा भ्याली 'बी' ले ड्याफोडिल र भ्याली 'ए' ले ग्रीनल्याण्डकासग सेमिफाईनलमा भेट पक्का गरेको छन् ।

गल्फुटार स्थित आयोजकको कोर्टमा भएको सिनियर छात्राको क्वाटर फाईनल खेलमा सफलता हात पादै भद्रकाली र एचएचसीए सेमिफाईनलमा प्रवेश गरेका छन् ।

क्वाटर फाईनलमा भद्रकालीले बाबालाई २७–१५ को स्कोरमा हराउदा सिमरन महर्जनले १७ स्कोर गरिन् । अस्मिता सुनुवारको सर्वाधिक १३ स्कोरको सहयोगमा एचएचसीएले ड्याफोडिललाई ३३–१७ को स्कोरमा हरायो ।

बिहिबार हुने सेमिफाईनलमा एचएचसीए र टिआईए तथा भद्रकाली र ग्रीनल्याण्डबीच खेल हुने छ ।