महिला च्याम्पियन्स लिगमा सिटी र रियल भिड्ने

काठमाडौं ।  म्यानचेस्टर सिटीले वुमन्स च्याम्पियन्स लिगको पहिलो क्वालिफायर राउण्डमा काजाकिस्तानको टोमिरिस-तुरानलाई पराजित गर्दै रियल मड्रिडसँगको भिडन्त पक्का गरेको छ ।

पहिलो गोल खादिजा श को नाममा रह्यो । शले लरेन हेम्पको क्रसबाट पहिलो गोल गर्दै सिटीलाई अग्रता दिलाइन ।

भर्खरै इंग्ल्यान्डलाई युरो कप जिताएकी चोल केलीको पासमा हेड गर्दै शले अग्रता दोब्बर बनाइन् ।

इङ्ल्यान्डकै अर्की युरो स्टार लरेन हेम्पले हाफ टाइममा सिटीलाई सहज अग्रता दिलाउन शको सहयोगमा सिटीको लागि तेस्रो गोल गरिन ।

सिटीले अन्तिम आठ मिनेटमा पनि थप तीन गोल गरेको थियो ।

भिक्की लोसाडाले पनि गोल गरिन । डेना क्यास्टेलानोसले पेनाल्टीबाट क्लबको लागि पहिलो गोल गरिन ।  एक गोल आत्मघाती भएको थियो ।

 सिटीले अब स्पेनको राजधानीमा आइतबार रियलको सामना गर्नेछ। विजेता टिम छनोटको दोस्रो चरणमा पुग्नेछ ।