अन्तरविद्यालय इन्डोर क्रिकेट : दोस्रो दिन ९ खेल

काठमाडौं ।  इटहरी क्रिकेट एकेडमीको आयोजनामा सुनसरीमा जारी अन्तरविद्यालय इन्डोर क्रिकेट प्रतियोगिको दोस्रो दिन मंगलबार ९ खेलहरु सम्पन्न भएका छन् ।

इटहरी क्रिकेट रंगशालाको इन्डोर क्रिकेट हलमा भएको खेलमा वाइ पोनटिङले सेक्रेट हार्ड, ग्रीन पिसले डिभिएम, महेन्द्र मेमोरियलले विश्व आदर्श र माउन्ट मकालुले कोशीलाई पराजित गरेको छ । आजै भएको अन्य खेलमा पशुपतिले लर्ड बुद्ध, तथा सुनसरीले एसओएसलाई पराजित गरेको छ ।

प्रतियोगिताको पहिलो दिन पनि ९ खेलहरु सम्पन्न भएका थिए । बिहीबारफाइनल हुने प्रतियोगिताको चार समूहका विजेताहरुले सेमिफाइनल खेल्ने छन् ।

प्रतियोगिताको तेस्रो दिन बुधवार लिग चरणका ६ तथा २ सेमिफाइनल खेल हुने इटहरी क्रिकेट एकेडमीका सचिव तथा सुनसरी जिल्ला क्रिकेट संघका अध्यक्ष सिपी पौडेलले जनाएका छन ।

प्रतियोगिताको विजेता टोलीले मेडल, ट्रफी र प्रमाण पत्र पाउने तथा उत्कृष्ट ३५ खेलाडीलाई इटहरी क्रिकेट एकेडमीले सम्बन्धित विद्यालयसँगको समन्वयमा नियमित प्रशिक्षण दिनेछ ।