फाबियन अनुबन्ध गर्दै पीएसजी

काठमाडौं । पेरिस सेन्ट जर्मेन (पीएसजी) ले स्पेनिस मिडफिल्डर फाबियन रुइज पेनालाई अनुबन्ध गर्ने भएको छ ।

लिग वान क्लब पीएसजीले इटालियन क्लब नापोलीबाट फाबियनलाई अनुबन्ध गर्ने भएको हो ।

पीएसजी सेन्ट्रल मिडफिल्डर अनुबन्धको नजिक पुगेको बताईएको छ ।

फाबियन अनुबन्धका लागि म्यानचेस्टर युनाईटेडले समेत नजर लगाएको थियो ।

तर, युनाईटेडको प्रस्ताव नापोलीले अस्वीकार गरेको थियो ।

२६ वर्षीय मिडफिल्डर फाबियन बेटिसबाट नापोली आएका थिए ।

नापोलीका लागि उनले १ सय २५ सिरी ए खेलमा १८ गोल गरेका छन् ।

स्पेनका लागि उनले १५ खेलमा १ गोल गरेका छन् ।