विज्नाल्डम रोमामा अनुबन्धित

काठमाडौं । इटालियन क्लब रोमाले नेदरल्यान्ड्सका कप्तान जर्जिनियो विज्नाल्डमलाई अनुबन्ध गरेको छ ।

रोमाले फ्रेन्च क्लब पेरिस सेन्ट जर्मेन (पीएसजी) बाट विज्नाल्डमलाई अनुबन्ध गरेको हो ।

डच कप्तान विज्नाल्डमलाई रोमाले एक सिजनको लागि लोनमा अनुबन्ध गरिएको जनाएको छ ।

जोसे मोरिन्होले यस समरमा पाँचौं खेलाडीको रुपमा उनलाई अनुबन्ध गरेको हो ।

३१ वर्षीय विज्नाल्डम गत सिजन लिभरपुलबाट पीएसजी आएका थिए ।

पीएसजीका लागि विज्नाल्डमले गत सिजन ३७ खेल खेलेका थिए ।

उनले पीएसजीबाट गत सिजन लिग वानको उपाधि जितेका थिए ।