कुलदिप भारतीय क्लबमा अनुबन्धित

काठमाडौं । नेपाली डिफेन्डर कुलदिप कार्की भारतीय क्लब रेल्वे एफसीमा अनुबन्धित भएका छन् ।

रेल्वेले सामाजिक संजालबाट कुलदिपलाई अनुबन्ध गरिएको जनाएको छ ।

रेल्वेले कुलदिपलाई एक सिजनको लागि अनुबन्ध गरेको हो ।

कुलदिपले रेल्वेबाट कलकता फुटबल लिग खेल्ने छन् ।

कुलदिपले गत सिजन जावलाखेल युथ क्लबबाट सहिद स्मारक ए डिभिजन लिग खेलेका थिए ।

कुलदिप जावलाखेलको कप्तान समेत हुन् ।

पहिलो संस्करणको नेपाल सुपर लिगमा उनले चितवन एफसीबाट खेलेका थिए ।