साफ यू-२० : भारतको पहिलो जित

भुवनेश्वर । आयोजक भारतले साफ यू-२० च्याम्पियनसिप फुटबलमा पहिलो जित निकालेको छ ।

भुवनेश्वरस्थित कालिंगा स्टेडियममा शुक्रबार श्रीलंकालाई ४-० गोल अन्तरले हराउँदै भारतले पहिलो जित निकालेको हो ।

साविक विजेता समेत रहेको भारतलाई जित दिलाउन पार्थिव सुन्दर गोगाईले दुई गोल गरे । हिमान्सु जान्ग्रा र  गुर्किरात सिंहले एक एक गोल थपे ।

भारतले चारै गोल दोस्रो हाफमा गरेको थियो ।

खेलको ५० औं मिनेटमा हिमान्सुले गोल गर्दै टोलीलाई अग्रता दिलाएका थिए ।

खेलको ६९ औं मिनेटमा पार्थिव सुन्दर गोगोईले गोल गर्दा भारत २-० ले अघि रह्यो ।

७४ औं मिनेटमा गुर्किरातले गोल गर्दै टोलीको अग्रता ३-० को बनाए ।

त्यसपछि खेलको इन्जुरी समयमा पार्थिवले व्यक्तिगत तेस्रो गोल गर्दै भारतलाई ४-० को जित दिलाए ।

जितसँगै भारतले दुई खेलमा ३ अंक जोडेको छ । पहिलो खेलमा भारत बंगलादेशसँग पराजित भएको थियो ।

श्रीलंकाको यो लगातार तेस्रो हार हो । श्रीलंका भने प्रतियोगिताबाट बाहिरिएको छ ।