डिबाला रोमामा अनुबन्धित

काठमाडौं । अर्जेन्टिनी स्ट्राइकर पाउलो डिबाला इटालियन क्लब रोमामा अनुबन्धित  भएका छन् ।

रोमाले बुधबार डिबालालाई अनुबन्ध गरिएको जनाएको छ ।

२८ वर्षीय डिबालाले रोमासँग ३ वर्षको सम्झौता गरेका छन् ।

डिबालाले रोमामा २१ नम्बरको जर्सी लगाउने छन् ।

रोमाले उनलाई युभेन्ट्सबाट फ्री ट्रान्सफरमा अनुबन्ध गरेको हो ।

डिबाला ६ वर्ष युभेन्ट्स बिताएर रोमा आएका हुन् ।

अर्जेन्टिनाका डिबाला २०१५ मा पालेर्मोबाट युभेन्ट्स आएका थिए ।

डिबालाले युभेन्ट्सका लागि २ सय ९३ खेलमा १ सय १५ गोल गरेका छन् ।

युभेन्ट्सका लागि डिबालाले ५ सिरी ए उपाधि सहित कुल १२ उपाधि जितेका छन् ।