लेवान्डोस्कीले गरे बार्सिलोनासँग ४ वर्षको सम्झौता

काठमाडौं । स्पेनिस क्लब बार्सिलोनाले स्ट्राइकर रोबर्ट लेवान्डोस्कीलाई औपचारिक रुपमा अनुबन्ध गरेको छ ।

बार्सिलोनाले जर्मन क्लब बायर्न म्युनिखबाट लेवान्डोस्कीलाई ५० मिलियन युरोमा अनुबन्ध गरेको हो ।

३३ वर्षीय लेवान्डोस्कीले बार्सिलोनासँग ४ वर्षको सम्झौता गरेका छन्।

'अन्ततः म यहाँ छु । बार्सिलोनामा आफुलाई पाउँदा खुशी छु,' सम्झौतापछि लेवान्डोस्कीले भने ।

पोलिस स्ट्राइकरले सम्झौता एक वर्ष बाकी रहदै जर्मन क्लब छाडेका हुन् ।

लेवान्डोस्कीको बायर्नसँगको सम्झौता २०२३ सम्म रहेको थियो ।

उनी २०१४ मा बोरुसिया डर्टमण्डबाट बायर्न आएका थिए ।

बायर्नका लागि उनले ३ सय ७४ खेलमा ३ सय ४४ गोल गरेका छन् ।

लेवान्डोस्कीले गत सिजन बायर्नका लागि ४६ खेलमा ५० गोल गरेका थिए ।