डी लिग्ट बायर्नमा अनुबन्धित

काठमाडौं । डच डिफेन्डर म्याथिस डी लिग्ट जर्मन क्लब बायर्न म्युनिखमा अनुबन्धित भएका छन् ।

बायर्नले इटालियन क्लब युभेन्ट्सबाट डी लिग्टलाई अनुबन्ध गरेको हो ।

डी लिग्टले बायर्नसँग ५ वर्षको सम्झौता गरेका छन् ।

२२ वर्षीय सेन्टर ब्याक डी लिग्ट तीन वर्ष युभेन्ट्समा बिताएर जर्मन आएका हुन् ।

उनी २०१९ मा डच क्लब आयाक्सबाट युभेन्ट्स आएका थिए ।

युभेन्ट्सका लागि उनले १ सय १७ खेल खेलेका थिए ।

नेदरल्यान्ड्सका लागि उनले ३८ खेल खेलेका छन् ।