जापानी मेस्सी कुबो सोसिडाडमा   

काठमाडौं ।  स्पेनिस क्लब रियल सोसिडाडले जापानी विंगर ताकेफुसा कुबोलाई अनुबन्ध गरेको छ ।

जापानी मेस्सीले परिचित कुबोलाई सोसिडाडले रियल मड्रिडबाट अनुबन्ध गरेको हो ।

२१ वर्षीय युवा विंगरले सोसिडाडसँग ५ वर्षको सम्झौता गरेका छन् ।

स्पेनिस क्लब बार्सिलोनाको एकेडमीमा हुर्किएका कुबो जापानको शीर्ष डिभिजन क्लब टोकियो एफसीबाट २०१९ मा रियल आएका थिए ।

तर, उनले रियलका लागि डेब्यु गरेका छैनन् । रियल आएपछि उनले लोनमा अन्य क्लबका लागि खेलिरहेका थिए ।

गत सिजन उनले मालोर्काबाट लोनमा खेलेका थिए ।

त्यसअघि उनले भिल्ला रियल, गेटाफे र मालोर्काबाटै लोनमा खेलेका थिए ।

जापानका लागि कुबोले ८ खेलमा १ गोल गरेका छन् ।