कालिडोउ चेल्सीमा अनुबन्धित हुँदै

काठमाडौं । इंग्लिस प्रिमियर लिग क्लब चेल्सीले सेनेगलका डिफेन्डर कालिडोउ कुलीबालीलाई अनुबन्ध गर्ने भएको छ ।

चेल्सीले इटालियन क्लब नापोलीबाट डिफेन्डर कालिडोउलाई अनुबन्ध गर्ने भएको हो ।

चेल्सीले डिफेन्डर कालिडोउसँग ४ वर्षको सम्झौता गर्ने बताईएको छ ।

३१ वर्षीय डिफेन्डर चेल्सीसँग सम्झौता गर्न लण्डन पुगिसकेको बताईएको छ ।

चेल्सीसँग औपचारिक सम्झौतापछि कालिडोउ अमेरिका प्रस्थान गर्ने छन् ।

चेल्सीको टोली प्रि सिजनको लागि अमेरिका भ्रमणमा रहेको छ ।

कालिडोउ २०१४ मा जेन्कबाट नापोली आएका थिए ।  

नापोलीका लागि उनले ३ सय १७ खेल खेलिसकेका छन् ।

सेनेगलका लागि उनले ६२ खेल खेलेका छन् ।