राफिन्हा बार्सिलोनामा अनुबन्धित

काठमाडौं । स्पेनिस क्लब बार्सिलोनाले ब्राजिलियन विंगर राफिन्हालाई अनुबन्धित गरेको छ ।

बार्सिलोनाले बुधबार इंग्लिस क्लब लिड्स युनाईटेडबाट राफिन्हालाई अनुबन्ध गरिएको जनाएको छ ।

२५ वर्षीय राफिन्हा दुई सिजन लिड्समा बिताएर बार्सिलोना आएका हुन् ।

राफिन्हा २०२० मा रेनसबाट लिड्स आएका थिए ।

लिड्सका लागि उनले ६५ प्रिमियर लिगमा १७ गोल र १२ असिस्ट गरेका छन् ।

ब्राजिलका लागि उनले ९ खेलमा ३ गोल गरेका छन् ।