आर्मीलाई दोहोरो उपाधि

काठमाडौं ।   नेपाल आर्मीले इन्डोर हक्की प्रतियोगितामा आइतबार दोहोरो उपाधि जितेको छ । आर्मी पुरुष÷महिला दुवैमा च्याम्पियन बन्यो ।

पोखरा रंगशालास्थित कभर्डहलमा भएको पुरुष फाइनलमा आर्मीले सुदूरपश्चिम प्रदेशलाई २–० गोलले पराजित गर्यो । विजयी टिमका लागि राजेन्द्र कार्की र प्रदीप राजवंशीले गोल गरे ।

महिलाको उपाधि भिडन्तमा आर्मीले सुदूरपश्चिमलाई पेनाल्टीमा ३–२ ले हरायो । निर्धारित समयको खेल गोलरहित बराबरीमा सकिएको थियो ।

आर्मीबाट सीतामाया बल, हिमाली थापा र अन्जना चन्दले गोल गरे । सुदूरपश्चिमबाट सुनिता नेगी र लक्ष्मी बमले गोल गरे ।