कटुवालको नेतृत्वमा रग्बीको प्रदेश समिति गठन 

इलाम । नेपाल रग्बी संघ प्रदेश नम्बर एकको अध्यक्षमा बिनोद कटुवाल निर्वाचित भएका छन् । 

विराटनगरमा सम्पन्न अधिवेशनबाट कटुवालको अध्यक्षतामा ९ सदस्यीय प्रदेश समिति गठन भएको हो । समितिको उपाध्यक्षमा मनिशा आचार्य, सचिव मनिष सोनी र कोषाध्यक्षमा विपिन पोख्रेल निर्वाचित भएका छन् । 

सदस्यहरुमा डिल्ली कुमार राजभण्डारी अमित, अनिल सुवेदी, भरत घिमिरे, सुनिल देब र मनिशा सुनुवार रहेका छन् ।

रग्बी संघका प्रदेश संयोजक किरण गिरीको सभापतित्वमा भएको कार्यक्रममा प्रदेश खेलकुद बिकास बोर्डको उपाध्यक्ष जिना कार्कीले उदघाटन  गरेकी थिइन् ।