शुभकामना गोल्डकपको फाइनल खेल स्थगित

हेमजा । ‘छैटौं नेपाल आइस अन्तर्राष्ट्रिय हेमजा गोल्डकप आमन्त्रित नकआउट फुटबल प्रतियोगिताको फाइनल खेल स्थगित भएको छ । 

हेमजा युनाइटेडको आयोजनामा असार ४ देखि सुरु भएको प्रतियोगिताको फाइनल खेल स्थगित भएको हो ।

हेमजा युनाईटेडको स्थापनाकालदेखि सहयोग गर्दै आएका अरविन कुँवरको दुर्घटनामा परि निधन भएको कारण फाईनल खेल स्थगित भएको हेमजा युनाईटेडका अध्यक्ष इन्द्रबहादुर कुँवरले जानकारी दिएका छन् ।  

‘यस दुखद घडीमा शोक सन्तप्त परिवारजनमा धैर्य धारण गर्ने शक्ति होस् भन्दै दिवङ्गत आत्माको चिर शान्तिको कामना गर्दछौं ।’ क्लबद्धारा जारी विज्ञप्तीमा जनाईएको छ ।

असार १२ गते स्थगित खेल सञ्चालन गरिने आयोजकले जनाएको छ ।