माने जर्मनीको म्युनिख आईपुगे  

काठमाडौं । सेनेगलका फरवार्ड साडियो माने मंगलबार जर्मनीको म्युनिख आईपुगेका छन् ।

जर्मन क्लब बायर्न म्युनिखसँग सम्झौता गर्न माने म्युनिख आईपुगेका हुन् ।

मानेले मंगलबार नै मेडिकल गर्ने बताईएको छ । मेडिकलपछि उनले बायर्नसँग सम्झौता गर्ने छन् ।

बायर्नले फरवार्डलाई इंग्लिस क्लब लिभरपुलबाट अनुबन्ध गर्न लागेको हो ।

लिभरपुल ४१ मिलियन युरोमा माने बेच्न सहमत भएको थियो ।

३० वर्षीय फरवार्डले जर्मन च्याम्पियनसँग ३ वर्षको सम्झौता गर्ने बताईएको छ।

माने २०१६ मा साउथह्याम्पटनबाट लिभरपुल आएका थिए ।

उनले लिभरपुलका लागि प्रिमियर लिग, एफए कप लगायत ६ उपाधि जितिसकेका छन् ।

मानेले लिभरपुलका लागि २ सय ६९ खेलमा १ सय २० गोल गरेका छन्  । यस्तै ४८ असिस्ट रहेको छ ।