कर्माले फिर्ता गरे एन्फाको गाडी

काठमाडौं । अखिल नेपाल फुटबल संघ (एन्फा) का निवर्तमान अध्यक्ष कर्माछिरिङ शेर्पाले संस्थाको गाडी फिर्ता गरेका छन् ।

एन्फा अध्यक्षको हैसियतमा दैनिक कार्यक्रमका लागि संस्थाबाट प्रयोग गर्दै आएको फच्र्युनरको जिप शेर्पाले फिर्ता गरेका हुन् ।

एन्फा अध्यक्षलाई पत्र लेख्दै शेर्पाले दैनिक कार्यक्रमका लागि चढ्दै आएको बा ८ च ९ सय १९ नम्बरको जिप आफ्नो कार्यकालको अन्त्य भएकाले फिर्ता गरेको उल्लेख गरेका छन् ।

नयाँ नेतृत्वका लागि सोमबार भएको निर्वाचनमा शेर्पा वरिष्ठ उपाध्यक्ष पंकजबिक्रम नेम्वाङसँग ६ मतले पराजित भएका थिए ।

चार वर्षअघि शेर्पा अध्यक्षमा निर्वाचित भएका थिए । उनकै प्यानलबाट उपाध्यक्ष जितेका नेम्वाङले अब एन्फाको बागडोर सम्हाल्ने भएका छन् ।