कर छलीको आरोपमा इटोलाई २२ महिनाको जेल सजाय 

काठमाडौं । स्पेनिस क्लब बार्सिलोनाका पूर्व स्ट्राइकर स्यामुएल इटोले कर छली गरेको स्वीकार गरेका छन् ।

इटोले बार्सिलोनाबाट खेल्दा ३.२ मिलियन पाउण्ड कर छली गरेको स्वीकार गरेका हुन् ।

कर छलीको आरोपमा स्पेनको सिउडाड डे ला जस्टिसिया अदालतले उनलाई २२ महिनाको जेल सजाय सुनाएको छ ।

तर, उनेले जेल भने बस्नु नपर्ने भएको छ । स्पेनको कानुन अनुसार हिंसात्मकबाहेकका २ बर्ष भन्दा कम जेल सजायका अभियुक्तले जेलमा बस्नु पर्दैन ।

यस्तै १.५५ मिलियन पाउण्ड जरिवाना तोकेको छ ।

इटोमाथि २००६ देखि २००९ सम्म तस्विरहरु बिक्री गरेवापत आएको रकममा कर नतिरेको आरोप छ  ।

क्यामरुन फुटसल संघको अध्यक्ष समेत रहेका इटोले आफ्ना पूर्व एजेन्ट जोसे मारिया मेसालेसले गर्दा आफुले उक्त काम गरेको दाबी गरेका छन्।

 ४१ वर्षीय इटो २००४ मा बार्सिलोनामा आबद्द भएका थिए ।

इटोले सन् २०१४ मा अन्तराष्ट्रिय फुटबलबाट सन्यास लिएका थिए  ।

इटोले क्यामरुनबाट ११८ खेलमा ५६ गोल गरेका थिए । उनले आफ्नो राष्ट्रको लागि ओलम्पिकमा स्वर्ण र अफ्रीका कप अफ नेसन्सको उपाधि दिलाएका थिए ।

चेल्सी र इन्टर मिलानबाट समेत खेलेका इटोले ७१८ क्लब खेलमा ३५९ गोल र ११६ एसिस्ट गरेका थिए ।

चार पटकको वर्ष अफ्रिकन खेलाडी घोषित इटोले ४ च्याम्पियन्स लिग, ३ ला लिगा र १ सिरी 'ए' उपाधि जितेका थिए ।