सम्झौता नवीकरण गर्दै भिनिसियस

काठमाडौं । स्पेनिस क्लब रियल मड्रिडका युवा विंगर भिनिसियस जुनियरले क्लबसँगको सम्झौता नवीकरण गर्ने भएका छन् ।

२१ वर्षीय विंगर सम्झौता थप गर्न सहमत भएको गोल डटकमले जनाएको छ ।

ब्राजिलियन विंगरले रियलसँग थप चार वर्षको लागि सम्झौता नवीकरण गर्ने बताईएको छ ।

सम्झौता नवीकरणपछि भिनिसियस २०२६ सम्म रियलमा रहने छन् ।

रियलले २०२८ सम्म राख्ने चाहेपनि उनले २०२६ सम्मको सम्झौता गर्न लागेका हुन् ।

भिनिसियस २०१८ मा फ्लामेन्गोबाट रियलको एकेडेमीमा अनुबन्धित भएका थिए ।

भिनिसियसले त्यहिँ सिजन रियलको सिनियर टोलीमा डेब्यु गरेका थिए ।

भिनिसियसले गत सिजन रियललाई ला लिगा च्याम्पियन बनाउन महत्वपूर्ण भूमिका खेलेका थिए ।

भिनिसियसले गत सिजन ५२ खेलमा २२ गोल र १६ असिस्ट गरेका थिए ।