पीएसजी छाड्न पोचेटिनो सहमत

काठमाडौं । अर्जेन्टाईन प्रशिक्षक मौरिसियो पोचेटिनोले फ्रेन्च क्लब पेरिस सेन्ट जर्मेन (पीएसजी) छाड्ने भएका छन् ।

पीएसजीको बोर्डसँगको छलफलपछि पोचेटिनो सम्झौता नसकिदै क्लब छाड्न सहमत भएका हुन् ।

पीएसजीसँग पोचेटिनोको सझौता सन् २०२३ को जुन ३० सम्म रहेको थियो ।

तर, पीएसजी पछिल्लो समय पोचेटिनोसँग सन्तुष्ट नभएको बताईएको छ ।  

पीएसजीले पोचेटिनोको बारेमा औपचारिक घोषणा भने गरेको छैन ।

पोचेटिनो २०२१ को जनवरीमा पीएसजीको मुख्य प्रशिक्षक नियुक्त भएका थिए ।

मुख्य प्रशिक्षक थोमस टुचेललाई बर्खास्त गरेपछि पीएसजीले पोचेटिनोलाई टिम हेर्ने जिम्मेवारी दिएको थियो ।

पोचेटिनोले पीएसजीलाई फ्रेन्च लिग वान जिताएका छन् ।

पोचेटिनोको नेतृत्वमा पीएसजीले ९५ खेल खेलेको छ ।

पीएसजीले नयाँ प्रशिक्षकका लागि जिनेदान जिदान, जोसे मोरिन्हो लागयतका प्रशिक्षकसँग छलफल गरिरहेको छ ।